Даражэюць хлеб і малако

• 28.04.2012, 11:14

Павялічаныя межавыя максімальныя адпускныя кошты сацыяльна значных тавараў.

Максімальныя адпускныя кошты малака, кефіра, смятаны і тварагу вырастуць на 10 адсоткаў, а хлеба і батона - на 5 адсоткаў, гаворыцца ў прэс-рэлізе міністэрства эканомікі Беларусі.

Пастанова міністэрства эканомікі ад 26.04.2012 года № 35 «Аб коштах сацыяльна значных тавараў і прызнанні страціўшымі сілу некаторых пастаноў Міністэрства эканомікі Рэспублікі Беларусь» распрацаваная наўзамен пастановы ад 27 красавік 2011 года № 65 «Аб коштах сацыяльна значных тавараў і прызнанні страціўшымі сілу некаторых пастаноў Міністэрства эканомікі Рэспублікі Беларусь», якая прызнаецца страціўшай сілу.

Пастановай прадугледжанае захаванне на дзеючым узроўні межавых максімальных адпускных коштаў

ялавічыны і свініны патушнай, буйнакавалкавага мясакоснага напаўфабрыкату ў выглядзе адрубоў са свініны, мяса куранят-бройлераў і яйка курынага свежага.

У мэтах скарачэння стратнасці вытворчасці павялічаныя межавыя максімальныя адпускныя кошты:

малака каровінага пастэрызаванага і кефіру з каровінага малака тлустасцю да 3,5% уключна, смятаны тлустасцю да 25% уключна, тварагу тлустасцю да 9% уключна, без смакавых дабавак і напаўняльнікаў - на 10%, а таксама хлеба жытна-пшанічнага, батона і хлябцоў з пшанічнай мукі нясдобнай развесу 300 грамаў і больш - на 5%.

Пры гэтым адпускныя кошты, якія ўсталяваныя на высакатлустыя віды малочных прадуктаў, а таксама на малочныя прадукты са смакавымі дадаткамі і напаўняльнікамі на 29 красавіка 2012 года, не могуць быць перавышаныя ў далейшым.