Хто ў Беларусі скупляе Patek Philippe?

• 2.05.2012, 12:46

Беларусы ўзялі актыўны ўдзел у элітным аўкцыёне гадзіннікаў у Нью-Ёрку.

Antiquorum, вядучая кампанія, якая спецыялізуецца на продажы рэдкіх і старадаўніх гадзіннікаў, правяла чарговы аўкцыён 25 красавіка ў Нью-Ёрку, паведамляе партал Diamonde.ws (пераклад - charter97.org). На ім былі выстаўленыя мадэлі рэдкіх і калекцыйных гадзіннікаў. Аўкцыён прывабіў не толькі амерыканцаў, але і сотні пакупнікоў з усяго свету, якія рэгістраваліся праз Інтэрнэт. Найбольш актыўнымі ўдзельнікамі таргоў сталі грамадзяне Кітая, Тайваня, Беларусі, Францыі, Вялікабрытаніі і Швейцарыі.

Агульная сума пакупак, зробленых на аўкцыёне, склала 4 503 987 даляраў. Самай дарогай пакупкай сталі гадзіны Patek Philippe 3973, за якія распачалася найбольш сур'ёзная барацьба сярод пакупнікоў. Яны былі прададзеныя за 902 500 даляраў.

Высокія вынікі паказалі і таргі па іншых мадэлях гадзін Patek Philippe. Так, агульная сума, выручаная за распрададзеную калекцыю з 14 гадзіннікаў гэтай фірмы, склала 1 067 500 даляраў.

Кошт іншых лотаў, сярод якіх былі вырабы швейцарскіх гадзіншчыкаў, складала дзесяткі тысяч даляраў.

Нагадаем, што беларускі дыктатар з'яўляецца вядомым прыхільнікам гадзіннікаў фірмы Patek Philippe. Аляксандр Лукашэнка мае ў сваёй калекцыі класічныя гадзіннікі гэтай швейцарскай кампаніі, кошт якіх складае каля 11 тысяч еўра.

Аляксандр Лукашэнка з наручным гадзіннікам Patek Philippe.