Холдынг МАЗа і КамАЗа будзе кантраляваць расейскі бок

• 7.05.2012, 15:24

Кіраўнік «Растэхналогій» настойвае на тым, што расейскі бок павінен мець 50% плюс адну акцыю ў холдынгу Камскага аўтамабільнага завода і Менскага аўтамабільнага завода.

На думку кіраўніка расейскай дзяржкарпарацыі «Растэхналогіі» Сяргея Чэмезава расіейскі бок павінен мець кантрольны пакет акцый стваранага холдынгу МАЗа і КамАЗа.

«50 на 50 ствараць сэнсу няма, гэта непадуладная структура, тым больш з імі, таму мы кажам - давайце мы крыху пабольш возьмем, але 50 плюс адзін», - цытуюць Чэмезава РІА «Новости».

Каментуючы ход перамоваў аб стварэнні холдынгу паміж КАМАЗам і МАЗам, ён адзначыў, што «ўсё па-ранейшаму». Беларусь прадставіла новую адзнаку, якая расейскі бок не задавальняе.