Выступленне беларусаў на Алімпіядзе ў Лондане стала горшым у гісторыі

• 13.08.2012, 8:15

У Лондане афіцыйна завяршыліся ХХХ летнія Алімпійскія гульні.

Цэрымонія закрыцця прайшла ў ноч з 12 на 13 жніўня. Алімпійскі агонь пагас у 23.59 па мясцовым часе (у 1.59 па менскім). Факел складаўся з 205 пялёсткаў - па колькасці краін-удзельніц. Спартыўныя дэлегацыі забяруць гэтыя пялёсткі з сабой. Прэзідэнт Міжнароднага алімпійскага камітэта Жак Роге назваў лонданскую Алімпіяду «выдатнай».

Трынаццаць медалёў - тры залатыя, пяць сярэбраных і пяць бронзавых - заваявалі беларускія спартсмены на ХХХ летніх Алімпійскіх гульнях у Лондане. Гэта горшы вынік за ўвесь час выступлення Беларусі самастойнай камандай.

Апошнюю ўзнагароду ў заключны дзень Гульняў, 12 жніўня, атрымала зборная па мастацкай гімнастыке, якая заняла другое месца ў групавых практыкаваннях з вынікам 55,500 бала, саступіўшы толькі камандзе Расеі (57,000), БелаПАН.

Раней медалі заваявалі:

«золата» - Сяргей Мартынаў (стральба кулявая, малакаліберная вінтоўка, 50 м), Вікторыя Азаранка і Максім Мірны (тэніс, змешаны разрад), Надзея Астапчук (лёгкая атлетыка, штурханне ядра);

«серабро» - Аляксандра Герасіменя (плаванне, вольны стыль, 50 і 100 м), Андрэй і Аляксандр Багдановічы (веславанне на каноэ, двойка, 1.000 м), Раман Петрушэнка і Вадзім Махнеў (веславанне на байдарках, двойка, 200 м)

«бронза» - Марына Шкерманкова (цяжкая атлетыка, да 69 кг), Ірына Кулеша (цяжкая атлетыка, да 75 кг), Любоў Чаркашына (мастацкая гімнастыка, індывідуальнае мнагабор'е), Вікторыя Азаранка (тэніс, адзіночны разрад), Ірына Памелава, Надзея Папок , Вольга Худзенка і Марына Палтаран (веславанне на байдарках, чацвёрка, 500 м).

12 жніўня беларускі барэц вольнага стылю Алі Шабанаў (да 66 кг) у 1/8 фіналу выйграў у амерыканца Джарэда Фрайера - 3:0, а ў чвэрцьфінале саступіў азербайджанцу Джабраілу Хасанаву - 1:3. Руслан Шэйхаў (да 96 кг) у 1/8 фіналу прайграў Хетагу Газюмаву (Азербайджан) - 0:3.

У мужчынскім марафоне Сцяпан Рагаўцоў заняў 64-е месца (2 гадзіны 23 хвіліны 23 секунды).

У сучасным пяцібор'і сярод жанчын Анастасія Пракапенка заняла шостае месца (5.256 ачкоў; фехтаванне - 25-е месца, плаванне - 33-е, канкур - 12-е, бег і стральба - 1-е), Ганна Васілёнак - 32-е (4.692 ; фехтаванне - 22-е месца, плаванне - 36-е, канкур - 31-е, бег і стральба - 29-е).

З 28 ліпеня па 12 жніўня на Алімпіядзе разыграна 302 камплекта ўзнагарод, якія атрымалі спартсмены 85 краін. Выніковы медальны залік:

1. ЗША - 46 залатых, 29 сярэбраных, 29 бронзавых (усяго 104)

2. Кітай - 38, 27, 22 (87)

3. Велікабрытанія - 29, 17, 19 (65)

4. Расея - 24, 25, 33 (82)

5. Паўднёвая Карэя - 13, 8, 7 (28)

6. Германія - 11, 19, 14 (44)

7. Францыя - 11, 11, 12 (34)

8. Італія - 8, 9, 11 (28)

9. Венгрыя - 8, 4, 5 (17)

10. Аўстралія - 7, 16, 12 (35)

11. Японія - 7, 14, 17 (38)

12. Казахстан - 7, 1, 5 (13)

13. Нідэрланды - 6, 6, 8 (20)

14. Украіна - 6, 5, 9 (20)

15. Куба - 5, 3, 6 (14)

16. Новая Зеландыя - 5, 3, 5 (13)

17. Іран - 4, 5, 3 (12)

18. Ямайка - 4, 4, 4 (12)

19. Чэхія - 4, 3, 3 (10)

20. КНДР - 4, 0, 2 (6)

21. Іспанія - 3, 10, 4 (17)

22. Бразілія - 3, 5, 9 (17)

23. Беларусь - 3, 5, 5 (13)

24. ПАР - 3, 2, 1 (6)

25. Эфіопія - 3, 1, 3 (7)

26. Харватыя - 3, 1, 2 (6)

27. Румынія - 2, 5, 2 (9)

28. Кенія - 2, 4, 5 (11)

29. Данія - 2, 4, 3 (9)

30. Азербайджан - 2, 2, 6 (10)

30. Польшча - 2, 2, 6 (10)

32. Турцыя - 2, 2, 1 (5)

33. Швейцарыя - 2, 2, 0 (4)

34. Літва - 2, 1, 2 (5)

35. Нарвегія - 2, 1, 1 (4)

36. Канада - 1, 5, 12 (18)

37. Швецыя - 1, 4, 3 (8)

38. Калумбія - 1, 3, 4 (8)

39. Грузія - 1, 3, 3 (7)

39. Мексіка - 1, 3, 3 (7)

41. Ірландыя - 1, 1, 3 (5)

42. Аргенціна - 1, 1, 2 (4)

42. Сербія - 1, 1, 2 (4)

42. Славенія - 1, 1, 2 (4)

45. Туніс - 1, 1, 1 (3)

46. Дамініканская Рэспубліка - 1, 1, 0 (2)

47. Трынідад і Табага - 1, 0, 3 (4)

47. Узбекістан - 1, 0, 3 (4)

49. Латвія - 1, 0, 1 (2)

50. Алжыр - 1, 0, 0 (1)

50. Багамскія астравы - 1, 0, 0 (1)

50. Венесуэла - 1, 0, 0 (1)

50. Грэнада - 1, 0, 0 (1)

50. Уганда - 1, 0, 0 (1)

55. Індыя - 0, 2, 4 (6)

56. Манголія - 0, 2, 3 (5)

57. Тайланд - 0, 2, 1 (3)

58. Егіпет - 0, 2, 0 (2)

59. Славакія - 0, 1, 3 (4)

60. Арменія - 0, 1, 2 (3)

60. Бельгія - 0, 1, 2 (3)

60. Фінляндыя - 0, 1, 2 (3)

63. Балгарыя - 0, 1, 1 (2)

63. Інданезія - 0, 1, 1 (2)

63. Малайзія - 0, 1, 1 (2)

62. Пуэрта-Рыка - 0, 1, 1 (2)

63. Тайвань - 0, 1, 1 (2)

63. Эстонія - 0, 1, 1 (2)

69. Батсвана - 0, 1, 0 (1)

69. Габон - 0, 1, 0 (1)

69. Гватэмала - 0, 1, 0 (1)

69. Кіпр - 0, 1, 0 (1)

69. Партугалія - 0, 1, 0 (1)

69. Чарнагорыя - 0, 1, 0 (1)

75. Грэцыя - 0, 0, 2 (2)

75. Катар - 0, 0, 2 (2)

75. Малдова - 0, 0, 2 (2)

75. Сінгапур - 0, 0, 2 (2)

79. Афганістан - 0, 0, 1 (1)

79. Бахрэйн - 0, 0, 1 (1)

79. Ганконг - 0, 0, 1 (1)

79. Кувейт - 0, 0, 1 (1)

79. Марока - 0, 0, 1 (1)

79. Саудаўская Аравія - 0, 0, 1 (1)

79. Таджыкістан - 0, 0, 1 (1)

Па колькасці медалёў Беларусь падзяліла 18-е месца з Казахстанам і Новай Зеландыяй. Беларускія чэмпіёны Алімпійскіх гульняў атрымаюць у якасці прэміяльных 150 тыс. даляраў ЗША, сярэбраныя прызёры - 75 тыс., бронзавыя - 50 тыс.

На Алімпіядзе 1996 года ў Атланце (ЗША) беларускія спартсмены заваявалі 15 медалёў (1 залаты, 6 сярэбраных, 8 бронзавых), на Алімпіядзе-2000 у Сіднэі (Аўстралія) - 17 (3, 3, 11), на Алімпіядзе-2004 у Афінах (Грэцыя) - 14 (2, 5, 7), на Алімпіядзе-2008 у Пекіне (Кітай) - 19 (4, 5, 10).

На АГ у Лондане перад беларускімі спартсменамі была пастаўлена задача заваяваць 25 медалёў, у тым ліку пяць залатых.

9 жніўня прэзідэнт Нацыянальнага алімпійскага камітэта Аляксандр Лукашэнка выказаў незадаволенасць удзелам беларускай дэлегацыі ў Алімпійскіх гульнях: «Мы разам з расейцамі пакуль правальваем Алімпіяду. Яны, вядома, шмат медалёў заваявалі, але не столькі, колькі павінны былі. І мы таксама». На думку афіцыйнага лідэра, у беларускім спорце хапае праблем і недастаткова выкарыстоўваецца існуючы патэнцыял, ёсць прэтэнзіі і да трэнераў, і да спартсменаў, і да арганізатараў. «У нас ёсць і аб'екты, ёсць і магчымасць, і сродкі вылучаныя, але веславанне, цяжкую атлетыку, спартыўную гімнастыку - мы ўжо страцілі гэтыя пазіцыі. Але ж база добрая, трэнеры ёсць, чаму не працуем?» - заявіў беларускі кіраўнік.

Ён падкрэсліў, што ўсё сказанае аб спорце можна аднесці і да сельскай гаспадаркі, і да прамысловасці. Лукашэнка папярэдзіў: «Тут спуску нікому не будзе. Няхай крыўдзяцца на мяне губернатары за апошнюю селектарную нараду ці не крыўдзяцца, а шкуру буду здымаць з усіх. Прыйшоў працаваць - працуй, каб людзі сказалі «дзякуй».