Дыскваліфікацыя Астапчук панізіла медальны рэйтынг Беларусі да 26 месца

• 13.08.2012, 16:17

Беларуская зборная апусцілася з 23-га на 26-е месца ў медальным заліку ХХХ летніх Алімпійскіх гульняў у Лондане, а па колькасці ўзнагарод - з 18-га на 21-е.

Як нагадвае БелаПАН, алімпійская чэмпіёнка-2012 Надзея Астапчук была дыскваліфікавана за ўжыванне допінгу.

У выніку залаты медаль атрымае Валеры Адамс з Новай Зеландыі, якая заняла другое месца. Замест бронзы атрымае срэбра расеянка Яўгенія Каладко. На трэцяе месца з чацвёртага перамясцілася кітаянка Ліцзяо Гун.