Юрый Хашчавацкі: Улады панікуюць з-за байкоту

• 29.08.2012, 12:53

Відавочна, што ўрад зразумеў, што ідэя байкоту пачынае дзейнічаць, лічыць кінарэжысёр.

Вядомы рэжысёр Юрый Хашчавацкі пракаментаваў сайту charter97.org забарону для кандыдатаў у «дэпутаты» на згадванне байкоту ў сваіх перадвыбарчых выступах у СМІ.

«Апошнія падзеі даказваюць, што ўлады вельмі захваляваліся з-за байкоту. Відавочна, яны атрымалі інфармацыю, што ідэя байкоту пачынае дзейнічаць. І ў іх пачалася лёгкая паніка», - лічыць кінарэжысёр.

«Відавочна, што ўлады запанікавалі. І палітыкі, якія падтрымліваюць ідэю байкоту, павінны актыўна дзейнічаць. Гэта не павінна быць проста ляжаннем на канапе і ігнараваннем «выбараў» - гэта тое, што павінны рабіць звычайныя людзі. А палітыкі павінны актыўна агітаваць за кампанію байкоту. Тое, што робіць АГП, я лічу правільным, таму я і пайшоў у гэтую схему», - сказаў Юрый Хашчавацкі.

«Я ў сваім выступе агітаваў за байкот, ні разу не сказаўшы слова «байкот». Забарону заўсёды можна абыйсці, рэгламентаваць правілы выступу цяжка. Калі нельга гаварыць слова «байкот», трэба казаць «я не пайду на выбары, і вы таксама не прыходзьце», - параіў кінарэжысёр.

Нагадаем, 27 жніўня сакратар Цэнтрвыбаркама Мікалай Лазавік заявіў, што ЦВК не пусціць у эфір радыё і тэлебачання кандыдатаў, якія заклікаюць байкатаваць «парламенцкія выбары».

«Калі дзесьці хтосьці агітуе за байкот, то гэта, можа быць, не з'яўляецца парушэннем грамадзянскага, адміністрацыйнага, крымінальнага заканадаўства. Да самога кандыдата ў «дэпутаты» ніякіх санкцый прымяняцца не будзе, але яго выступ у эфір не пойдзе», - сказаў Лазавік.