Часовы павераны ў справах ЗША сустрэўся з Макеем

• 17.09.2012, 16:58

Міністр замежных спраў Беларусі Уладзімір Макей у панядзелак прыняў Часовага паверанага ў справах ЗША ў Беларусі Ітана Голдрыча па яго просьбе.

Аб гэтым паведамілі агенцтву «Інтэрфакс-Захад» у прэс-службе беларускага МЗС.

«У рамках праведзенага абмену меркаваннямі, бакі абмеркавалі ключавыя пытанні беларуска-амерыканскіх адносін», - заявілі ў знешнепалітычным ведамстве.

У ходзе сустрэчы Макей выказаў глыбокія спачуванні амерыканскаму боку ў сувязі з трагічнай гібеллю амбасадара ЗША і супрацоўнікаў дыппрадстаўніцтва гэтай краіны ў Лівіі, праінфармавалі ў прэс-службе МЗС.