Грошай не хапае нават на аграгарадкі

• 11.01.2013, 15:47

У беларускіх аграгарадках ўводзяцца меры найстражэйшай эканоміі электраэнергіі.

Так, у аграгарадку Тамковічы Дзяржынскага раёна пасля 23 гадзін выключаюць вулічнае асвятленне. Пра гэта паведаміў чытач сайта charter97.org.

Зараз жыхары населенага пункта вымушаныя хадзіць па вечарах па цалкам цёмных вуліцах.

У Дзяржынскіх электрасетках пацвердзілі гэтую інфармацыю і спаслаліся на рашэнне старшыні Рубілкаўскага сельсавета, на тэрыторыі якога знаходзіцца аграгарадок.

Чытач звярнуў увагу на відавочнае парушэнне мясцовымі ўладамі закона «Аб асновах дзейнасці па прафілактыцы правапарушэнняў». У адпаведнасці з ім, выканаўчыя і распарадчыя органы абавязаны прымаць меры «па належнай асветленасці вуліц і дваровых тэрыторый населеных пунктаў у цёмны час сутак».