Абвал коштаў на беларускія нафтапрадукты

• 14.01.2013, 13:48

Беларускія нафтапрадукты ва Украіне рэзка патаннелі з-за нізкага попыту.

Па дадзеных крыніц у трэйдарскіх колах, у сувязі з гэтым рэсурсатрымальнікі вымушаныя распрадаваць паліва з вялікімі дысконтамі. Па словах аднаго з трэйдараў, у выпадку з бензінам А-92 зніжкі дасягаюць $55/т у адносінах да катыровак Eurobob на Паўночна-Захадзе Еўропы, піша ўкраінскі партал OilNews.

Нізкасярністае дызельнае паліва, якое на піку попыту ў 2012 г. гандлявалася па каціроўцы ў Еўропе альбо з прэміяй ў $10-15/т, сёння прапануецца давальцамі беларускіх НПЗ з аналагічным дысконтам.

На думку апытаных трэйдараў, шмат у чым сітуацыя, якая склалася, наканаваная пасіўнасцю ўкраінскіх пакупнікоў.

«Украінскія кампаніі звычайна забяспечваюць сябе студзеньскімі аб'ёмамі напярэдадні навагодніх святаў, таму ў пачатку студзеня не праяўляюць цікавасці да закупак», - лічыць адзін з удзельнікаў рынка.

«Наваполацкі НПЗ пераліты гатовай прадукцыяй, кошты падаюць, але пакуль рынак не спяшаецца раскупляць аб'ёмы», - кажа прадстаўнік аднаго буйнога ўкраінскага трэйдара, які пажадаў застацца невядомым.

Беларусь з'яўляецца адным з асноўных экспарцёраў светлых нафтапрадуктаў ва Украіну. У студзені-лістападзе 2012 г. Беларусь паставіла ва Украіну 2,69 млн т дызельнага паліва, што на 68,1% больш у параўнанні з аналагічным перыядам 2011 г. Імпарт беларускіх бензінаў склаў каля 1,16 млн т, што на трэць больш, чым у 2011 г.