Былога палітвязня прысудзілі да 3 месяцаў арышту

• 12.11.2013, 12:18

Прысуд моладзеваму актывісту Уладзіміру Яроменку пакінулі ў сіле.

Сёння ў 11 гадзін у Менскім гарадскім судзе па вул. Дуніна-Марцінкевіча 1/3 пачаўся разгляд касацыйнай скаргі былога палітычнага зняволенага Уладзіміра Яроменка.

Пасля вызвалення з калоніі за ўдзел у розных акцыях актывіст «Маладога фронту» Уладзімір Яроменак неаднаразова падпадаў пад адміністрацыйныя арышты. За гэта над ім быў устаноўлены прэвентыўны нагляд. 20 жніўня суд Першамайскага раёна Менска прысудзіў Уладзіміра да 3 месяцаў арышту, прызнаўшы вінаватым у парушэнні правілаў нагляду (арт. 421 Крымінальнага кодэкса РБ).

Менскі гарадскі суд пакінуў рашэнне раённага суда ў сіле, актывіст ужо сёння можа быць адпраўлены ў турму, паведамляе карэспандэнт charter97.org.

Уладзімір Яроменак мае намер абскардзіць дадзенае рашэнне ў Вярхоўным судзе.

Раней у ЛПП прымусова быў адпраўлены былы палітвязень Васіль Парфянкоў.

Фота: «Радыё Свабода»