Пытанне экстрадыцыі Баўмгэртнэра «не абмяркоўвалася»

• 18.11.2013, 20:35

Расейскія дыпламаты сустрэліся з гендырэктарам «Уралкалія» Уладзіславам Баўмгэртнэрам.

Пра гэта паведаміў ИТАР-ТАСС консул РФ у Беларусі Ігар Карагін.

Са слоў консула, нягледзячы на тое, што 26 лістапада тэрмін утрымання Баўмгэртнэра пад вартай дасягне трох месяцаў, ён «адчувае сябе добра, на здароўе і ўтрыманне не скардзіцца, ніякіх пажаданняў у размове не выказаў».

З Баўмгэртнэрам напераменку знаходзіцца хто-небудзь са сваякоў - маці або бацька.

Дыпламат паведаміў, што пытанне аб магчымай экстрадыцыі Баўмгэртнэра не абмяркоўвалася.

Фота: РИА «Новости»