Ермакова: Я думаю пра дэнамінацыю

• 14.03.2013, 16:53

Кіраўнік Нацбанка лічыць мэтазгодным правядзенне дэнамінацыі ў 2014 годзе.

Кіраўнік Нацыянальнага банка Беларусі Надзея Ермакова лічыць мэтазгодным правядзенне дэнамінацыі беларускага рубля ў 2014 годзе ў выпадку абмежавання інфляцыі ў 2013 годзе на ўзроўні прагнозных 12%.

«Я думаю пра дэнамінацыю, але пакуль інфляцыя гэта не дазваляе зрабіць. Калі ў нас атрымаецца інфляцыю ўтрымаць у гэтым годзе на ўзроўні 12%, то я лічу мэтазгодным правесці дэнамінацыю ў наступным годзе», - сказала Ермакова журналістам у чацвер у Менску, піша «Інтэрфакс».

Нагадаем, як ужо паведамлялася, Беларусь перайшла на квадрыльёны. У студзені-лістападзе 2012 года выручка прадпрыемстваў і арганізацый Беларусі ад рэалізацыі прадукцыі, тавараў, работ, паслуг у бягучых коштах склала 1 квадрыльён 46,6 трыльёна рублёў.