Пракаповіч зоймецца распродажам дзяржуласнасці

• 2.03.2013, 10:42

Лукашэнка даручыў ураду да 1 красавіка ўнесці прапанову для продажу аб'ектаў на $ 1 млрд.

Адпаведнае даручэнне кіраўнік даў 1 сакавіка на пасяджэнні Савета Міністраў «Аб выніках сацыяльна-эканамічнага развіцця Рэспублікі Беларусь за 2012 і задачах на 2013 год», паведамляе БелТА.

На пасяджэнні віцэ-прэм'ер Пётр Пракаповіч унёс шэраг прапаноў у пытаннях мадэрнізацыі прадпрыемстваў і развіцця прадпрымальніцтва. Ён мяркуе патрэбным зрабіць канкрэтныя крокі для актывізацыі працэсу выкупу арандатарамі ва ўласнасць арандаваных у дзяржавы плошчаў.

Пётр Пракаповіч мяркуе, што такім чынам можна ўнутры краіны дадаткова атрымаць да $ 1 млрд. «Давайце дамовімся: Вы з міністрам эканомікі да 1 красавіка мне ўнесяце прапанову на $ 1 млрд. пра аб'екты», - даручыў Лукашэнка. Пры гэтым ён нагадаў аб сваіх падыходах у пытанні прыватызацыі і продажу дзяржуласнасці.

Inaja