Знешні гандаль: мінус адзін мільярд даляраў

• 31.05.2013, 12:27

За 4 месяцы 2013 года Беларусь нагандлявала на мінус 1 мільярд даляраў.

Статыстыку знешняга гандлю таварамі Рэспублікі Беларусь публікуе прэс-служба Белстата.

Падзенне назіраецца як па экспарце, так і па імпарце. За студзень-красавік 2013 года экспарт знізіўся на 22,7% да 12 802,9 млн. даляраў, імпарт - толькі на 9,6% да 13 813,7 млн. даляраў. Абарот знешняга гандлю таварамі склаў 26 616,6 млн даляраў, што на 16,4% менш, чым за той жа перыяд мінулага года.

Найбольшае падзенне экспарту зафіксавана ў гандлі з краінамі ЕЗ - на 46,3% да 4 226 млн. даляраў, пры гэтым імпарт з краін ЕЗ вырас на 26,2% да 3 170,6 млн. даляраў.