Два дні да дэфолту

• 16.08.2013, 11:55

Што будзе, калі кошты на нафту ўпадуць?

Крызіс, які прадказвалі, у Расеі ўжо наступіў, толькі дачнікі і адпускнікі гэтага яшчэ не зразумелі, піша «Комсомольская правда в Беларуси».

17-га жніўня - пятнаццацігоддзе дэфолту 1998 года. Эканамічныя і палітычныя катаклізмы ў Расеі часта пачынаюцца ў жніўні, але пры тым, што гэта разгар адпускнога і дачнага сезона, нашы грамадзяне, як правіла, не заўважаюць таго, што адбываецца, і абдумваюцца тады, калі ўжо «позна піць баржомі».

Эканамічныя ўзрушэнні носяць цыклічны характар, пасля крызісу 2008-га года краіна, навучаная горкім вопытам, жыве ў чаканні наступнага падзення рынку. Апошнім часам пра гэта кажуць усё часцей - эканамісты канстатуюць «запаволенне росту эканомікі», «рэцэсію, якая насоўваецца», і іншыя жахі.

Аднак жахі ня наступаюць - яны ўжо тут.

Дастаткова зірнуць на крывую кошту акцыяў вядучых расейскіх кампаніяў, каб зразумець, што мы ўжо ў крызісе. Проста яго ўдарная хваля яшчэ не дакацілася да радавога спажыўца. Хутчэй за ўсё, гэта адбудзецца праз 4-6 тыдняў. Хоць нельга выключаць, што ўлада будзе, сціснуўшы зубы, спрабаваць утрымаць усё да алімпіяды. Аднак ці можна стрымаць цунамі?

Такім чынам, глядзім на крывую кошту акцый нашых асноўных карміцеляў - кампаній, на чые газа-нафтадаляры мы купляем усё - ад ежы і лекаў да аўтамашын і мэблі.

Возьмем, да прыкладу, «наша ўсё» - Газпрам. Важна паназіраць за крывой не за месяц, не за год, а за ўвесь перыяд. Аднаго погляду дастаткова, каб зразумець - акцыі Газпрама цяпер каціруюцца на ўзроўні іх кошту ў крызіс 2008-га года:

31 снежня 2008 года акцыі Газпрама ўстанавілі гістарычны мінімум - 108 рублёў за акцыю.

Цяпер УВАГА: паўтара месяцы таму, 30-га чэрвеня 2013 года, акцыі ААТ Газпрам упалі амаль да гэтай адзнакі: 109,10 рублёў за акцыю.

Гэта яшчэ не ўсё!

Справа ў тым, што рублёвая каціроўка акцый нашых кампаній залежыць ад таго, як іх ацэняць на вядучых сусветных біржах - у Лондане, Нью-Ёрку і г.д. Там яны каціруюцца ў далярах. Да чаго я гэта? А да таго, што кошт даляра на 29-га снежня 2008-га года быў 29 рублёў 39 капеек. А на 29-га чэрвеня 2013 - 32 рублі 70 капеек. Гэта значыць, кошт акцый у рублях цяпер вышэй праз высокі кошт на даляр.

Мала таго, прыведзеныя дадзеныя - кошт закрыцця, а падчас таргоў кошт падаў нават ніжэй за гэтую адзнаку.

Аднолькава такая ж карціна і з іншымі вядучымі кампаніямі.

Акцыі Растэлекома каштуюць цяпер ніжэй, чым каштавалі ў крызіс 2008-га года!

Гігант айчыннай электраэнергетыкі - ФСК ЕЭС - кошт акцыі на 31.01.2009 - 0,085 рублёў за акцыю, на 2013/06/30 - 0,102 рубля. І гэта пры тым, што кошт электраэнергіі для прыватных асобаў у нас даражэй, чым у некаторых штатах ЗША, а для камерцыйнага спажывання кілават-гадзіна ў РФ даражэй у разы. Пасля чарговага падзення акцыі айчынных гігантаў робяць невялікі «падскок», але гэта толькі для таго, каб працягнуць падзенне. Глядзіце самі:

І ўсё гэта - пры даволі высокіх цэнах на нафту. Нафта цяпер блізкая да максімуму.

Што будзе, калі цана на нафту ўпадзе?