Самалёт гендырэктара «Уралкалію» заблакаваны ў менскім аэрапорце

• 30.08.2013, 15:59

Самалёт, на якім Уладзіслаў Баўмгертнер прыляцеў у Менск, апынуўся заблакаваным у аэрапорце без тлумачэння прычын.

Па словах прадстаўніка «Уралкалію» Аляксандра Бабінскага, «кампанія, якая абслугоўвае самалёт, штодня запытвае ў беларускіх уладаў дазвол на вылет. Пяты дзень у дадзеным дазволе адмаўляецца», піша trud.ru.

Самалёт адагналі на стаянку. Афіцыйнага рашэння аб накладанні арышту або абмежаванняў перасоўванняў паветранага судна не выносілася.

Нагадаем, пяць дзён таму топ-мэнэджэр расейскай кампаніі быў арыштаваны ў Беларусі па абвінавачванні ў злоўжыванні ўладай. Яму пагражае да 10 гадоў пазбаўлення волі.

Сёння памочнік прэзідэнта Расеі Юрый Ушакоў зрабіў заяву з нагоды арышту гендырэктара «Уралкалію», у якой запатрабаваў неадкладна вызваліць яго.