Міхаіл Хадаркоўскі ўзнагароджаны прэміяй Леха Валенсы

• 26.09.2013, 18:00

Экс-кіраўнік ЮКАСа, які адбывае 11-гадовы тэрмін зняволення, стаў лаўрэатам прэміі Леха Валенсы.

Міхаіл Хадаркоўскі ўзнагароджаны за заслугі ва ўмацаванні грамадзянскай супольнасці ў Расеі. Прэмію ўручае варшаўскі Інстытут Леха Валенсы. Узнагароду 29 верасня атрымае ад імя бацькі сын Хадаркоўскага - Павел, паведамляе BBC.

Прэмія заснаваная ў 2008 годзе і складае 100 тысяч даляраў.

У прэс-рэлізе, апублікаваным на сайце былога польскага прэзідэнта, сказана, што ўзнагарода будзе ўручаная Хадаркоўскаму за «мужнасць у прасоўванні каштоўнасцяў грамадзянскай супольнасці, стойкасць у стварэнні базавых асноў эканамічнай свабоды і бескампрамісны падыход да барацьбы за справядлівы суд і чалавечую годнасць».

«У гэтым годзе мы ўручаем узнагароду Міхаілу Хадаркоўскаму, які прапаведуе эканамічную свабоду, грамадзянскія правы і сацыяльную справядлівасць, нягледзячы на ўсе палітычныя нягоды... Нягледзячы на ўсе несправядлівыя пакуты, ён ніколі не пераставаў верыць у сэнс сваіх дзеянняў, ён мараць зрабіць краіну адкрытай для ўсяго свету, дзе выконваюцца правы чалавека», - сказаў экс-прэзідэнт Польшчы Лех Валенса.

Былы ўладальнік нафтавай кампаніі ЮКАС ужо амаль дзесяць гадоў знаходзіцца ў зняволенні паводле двух прысудаў суда, які прызнаў яго вінаватым у махлярстве і крадзяжы нафты.

Шмат якія праваабарончыя арганізацыі ў Расеі і за яе межамі называюць Хадаркоўскага палітычным зняволеным; расейскія ўлады намагаюць, што справа ЮКАСа не мае дачынення да палітыкі і не была сфабрыкаваная.

Фота: РИА «Новости»