МУС ужо прыдумала, каго запісаць у «дармаеды»

• 22.10.2014, 15:16

Для «злосных парушальнікаў» прапануецца прадугледзець арышт з абавязковым прыцягненнем да працы.

Тэрмін «дармаед» можа быць ужыты да грамадзян, якія наўмысна ўхіляюцца ад удзелу ў фінансаванні дзяржаўных расходаў шляхам нявыплаты дзяржаўных падаткаў, мытаў і іншых плацяжоў.

Пра гэта charter97.org паведамілі ў прэс-служба ведамства.

Для барацьбы з дармаедамі МУС прапаноўвае штрафаваць паўналетніх працаздольных грамадзян, якія пастаянна пражываюць на тэрыторыі Беларусі, і якія больш за 6 месяцаў на працягу года ўхіляюцца ад фінансавання дзяржаўных расходаў (шляхам выплаты падаткаў, збораў i iншых плацяжоў).

«Для злосных парушальнікаў прапануецца прадугледзець арышт з абавязковым прыцягненнем да працы», - гаворыцца ў паведамленні.

Акрамя таго, МУС прапануе ўнесці папраўкі ў заканадаўства, якія дадуць супрацоўнікам падатковых органаў права складаць пратаколы на «дармаедаў», а разгляд такіх спраў трэба ўскласці на суддзяў раённых і гарадскіх судоў.

Сваё меркаванне МУС падмацоўвае артыкулам 56 Канстытуцыі РБ «Грамадзяне Рэспублікі Беларусь абавязаны браць удзел у фінансаванні дзяржаўных расходаў шляхам выплаты дзяржаўных падаткаў, мытаў і іншых плацяжоў».