Перастрэлка ў Маскве: пяць чалавек шпіталізаваныя

• 11.12.2014, 10:00

Учора ўвечары ў Маскве адбылася страляніна на Фрунзенскай набярэжнай каля станцыі метро «Парк Культуры».

Інфармацыю пацвярджаюць відавочцы, паведамляе LifeNews.

Паводле папярэдніх звестак, спачатку завязалася бойка, затым пачалася стральба з траўматычнай зброі. У канфлікце ўдзельнічалі каля 20 чалавек.

Вядома, што адзін з пацярпелых Ахтан А. дастаўлены ў Боткінскую лякарню. Яшчэ двое дастаўленыя ў Першую гарадскую лякарню, а яшчэ двух чалавек адвезлі ў НДІ ім. Скліфасоўскага.

Паводле папярэдніх звестак, ва ўсіх мужчын дыягнаставаныя агнястрэльныя раненні.