Дзярждэп ЗША: Мы памятаем пра беларускіх палітвязняў

• 19.12.2014, 9:16

Вашынгтон у гадавіну Плошчы нагадаў Беларусі аб неабходнасці выконваць правы чалавека.

Дзярждэпартамент ЗША нагадвае ўраду Беларусі аб неабходнасці выконваць правы чалавека і мяркуе, што гэта было б асабліва важна ў сувязі з надыходзячымі ў рэспубліцы ў 2015 годзе прэзідэнцкімі выбарамі. Пра гэта гаворыцца ў заяве кіраўніка прэс-службы дзяржаўнага дэпартамента Джэн Псакі, распаўсюджанай у сувязі з чарговай гадавінай масавых дэманстрацый, якія адбыліся ў беларускай сталіцы ў 2010 годзе, паведамляе ТАСС

"Мы памятаем тых, хто да гэтага часу несправядліва ўтрымліваецца ў турме, і заклікаем да неадкладнага і безумоўнага вызвалення ўсіх беларускіх палітвязняў, а таксама павазе іх палітычных і грамадзянскіх правоў", - заявіла прадстаўніца дзярждэпартамента ЗША.

Псакі таксама паведаміла, што ЗША заклікаюць Беларусь "паважаць сумесную заяву ад 2010 года", у якой падкрэсліваецца вялікае значэнне правоў чалавека як для грамадзян рэспублікі, так і "для паляпшэння двухбаковых стасункаў".

"Павага гэтых каштоўнасцяў асабліва важная ў святле прэзідэнцкіх выбараў у 2015 годзе", мяркуе амерыканскі дыпламат.