Больш за дзве тысячы чалавек загінулі ў Афганістане ў выніку апоўзня

• 3.05.2014, 10:10

Больш як 2,5 тысячы чалавек лічацца загінулымі ў выніку сходу апоўзня ў правінцыі Бадахшан на паўночным усходзе Афганістана.

Пра гэта паведамляе тэлеканал Tolo.

Паводле слоў губернатара правінцыі Бадахшан Шаха Валіулы Адзіба, у выніку стыхіі пахаваныя больш за 300 дамоў, выратавацца ўдалося толькі васьмярым.

Адзіба паведаміў, што ўлады папярэдзілі жыхароў 700 іншых дамоў пра эвакуацыю праз пагрозу сходу паўторных апоўзняў, паведамляе ca-news.org.

Паводле звестак тэлеканала, у выніку апоўзня загінулі звыш 1500 галоў жывёлы.

Намеснік міністра ўнутраных спраў Махамад Аюб Салангі пацвердзіў інфармацыю пра гэты выпадак, адзначыўшы, што выратавальная каманда адпраўлена ў раён бедства.

Сезонныя паводкі, селі і апоўзні штогод наносяць страты сельскай гаспадарцы Афганістана і нярэдка прыводзяць да гібелі жыхароў, якія пражываюць у экзагенных раёнах.

Фота: Reuters