Пролівень затапіў цэнтр Гародні

• 13.07.2014, 9:22

Моцны дождж ператварыў вуліцы абласнога цэнтра ў рэкі.

Пра гэта піша мясцовы сайт «Блог Гародні».

Ужо цяпер можна дакладна канстатаваць - за апошнія гады гэта быў, напэўна, самы моцны пролівень. «Плаваў» не толькі цэнтр, затапіла і некаторыя спальныя раёны, якія вялікая вада традыцыйна абыходзіла бокам.

Усё пачыналася вельмі бяскрыўдна, аднак неўзабаве моцны дождж прывёў да таго, што спачатку спыніўся гарадскі транспарт, а потым з'явіліся коркі.

Другая «хваля» пагоршыла сітуацыю, якая познім вечарам ператварылася ў сапраўдны кашмар для сотняў аўтааматараў і гарадскіх службаў.