Die Zeit: Ва Украіне паміраюць таксама еўрапейскія каштоўнасці свабоды
- 26.01.2015, 17:40
Больш за 5 000 чалавек загінулі, ахвяр становіцца больш з кожным днём. ЕЗ павінен разумець, што гэта настолькі ж важна, як тэракты ў Парыжы.
Аб гэтым піша Штэфан Доберт у сваім артыкуле пад назвай «Ва Украіне, паміраюць таксама еўрапейскія каштоўнасці свабоды», апублікаваным на сайце нямецкай газеты Die Zeit, піша УНІАН.
Пасля таго, як двое тэрарыстаў забеглі ў рэдакцыю Charlie Hebdo, застрэлілі дванаццаць чалавек, і праз некалькі дзён амаль чатыры мільёны французаў і 44 кіраўнікі дзяржаў і ўрадаў ва ўсіх частках зямнога шара разам выступілі супраць нападу, мой сябар з Украіны запытальна на мяне зірнуў.
Лагічна, адказаў я, што пры нападзе ў Парыжы гаворка ішла пра тое, каб знішчыць штосьці. Тое, што больш важна, чым індывід. Тое, што аб'ядноўвае еўрапейскае грамадства. Тое, што з'яўляецца настолькі каштоўным, што мільёны людзей паўсталі за гэта. Цяпер гаворка ідзе пра тое, каб абараніць гэта: нашу свабоду.
Цэнтр Еўропы, паводле вымярэння 1887, знаходзіцца ва Украіне. З палітычнага пункту гледжання, можна спрачацца пра тое, калі Украіна будзе сябрам ЕЗ, і ці будзе наогул. Але так як год таму рэвалюцыю на Майдане ў Кіеве было ўжо не спыніць, вядучыя міністры замежных спраў краін Еўропы, на чале з Франкам-Вальтэрам Штайнмаерам, спрабавалі дапамагчы краіне ў цяжкі пераходны перыяд. Яны адчувалі адказнасць. Многія з мільёнаў украінцаў, якія здзейснілі рэвалюцыю, стаялі на вуліцы са сцягамі ЕЗ. Яны прыехалі з усіх частак краіны і выступілі за еўрапейскія каштоўнасці свабоды.
Канфлікт ва Украіне, пачаткам якога пасля рэвалюцыі стала анэксія Крыму, і які ўжо прыкладна паўгода варта зваць вайной, праходзіць па пэўнай схеме. Усе паўтараецца раз за разам, як у апошнія пяць дзён.
У сераду міністры замежных спраў Расеі, Францыі, Нямеччыны і Украіны ў Берліне зноў дамовіліся аб дэмаркацыйнай лініі. Штайнмаер казаў пра «прыкметны прагрэс», Сяргей Лаўроў - аб адводзе зброі. У чацвер сепаратысты падчас самых жорсткіх сутыкненняў са жніўня захапілі данецкі аэрапорт. Аўтобус з мірнымі жыхарамі трапіў пад абстрэл. У пятніцу лідар сепаратыстаў Аляксандр Захарчанка абвясціў аб далейшым наступе. А ў суботу артылерыя прарасейскіх сіл прасунулася настолькі, што ў жылым квартале Марыупаля, горада, насельніцтва якога складае 500 000 чалавек, выбухнула некалькі ракет «Град», 27 чалавек загінулі, у тым ліку двое дзяцей.
Кожны раз, калі ўрад Расеі заяўляе аб дыпламатычных саступках або прадстаўляе мірны план, прарасейскія войскі атрымліваюць узбраенне або наступаюць. Гэта схема. Так было летам, калі першыя з цяпер дзясяткаў белых гуманітарных канвояў з Расеі прайшлі на тэрыторыю Усходняй Украіны без памежнага кантролю. Так было і ў верасні, калі была падпісаная мірная дамова ў Менску. І так адбываецца цяпер.
Дэзінфармацыя на дыпламатычным і медыйным узроўні, можна называць яе хлуснёй, звязаная з перамяшчэннямі войска, і працуе паводле плану. Гэта адзін з самых важных кампанентаў гібрыднай вайны, якую Расея вядзе ва Украіне. Тое, што гучыць так проста, адначасова яшчэ і вельмі паспяхова. У той час як прарасейскія войскі захопліваюць тэрыторыі ў кірунку да Крыму, еўрапейскія міністры замежных спраў са сваімі фразамі аб "глыбокай занепакоенасці" сталі ў бясконцы шэраг. Нікому не перашкодзіць, калі да яго далучыцца хтосьці новы.
Тое, што прыкладна год таму пачалося з няўдалай спробы пасярэдніцтва паміж міністрамі замежных спраў ЕЗ і Віктарам Януковічам, ператварылася ў вайну, да якой многія, верагодна, прызвычаіліся. Калі ў праграме навінаў зноў распавядаюць аб загінулых ва Украіне, гэта гучыць гэтак жа, як на мінулым тыдні. Нічога новага.
На самай справе, у сапраўдны час больш за 5000 чалавек страцілі свае жыцці на Данбасе. Менскае пагадненне, невялікі пробліск надзеі ў дыпламатычных намаганнях еўрапейцаў, пасля апошніх трох дзён, відавочна, правалілася, як і ўсе іншыя спробы ЕЗ спыніць вайну.
«Украінец, які пасля нападаў у Парыжы так запытальна на мяне глядзеў, вельмі добра разумеў, чаму аб'ядналіся мільёны французаў, - праз напад на іх свабоду слова, - піша аўтар. - Гэта нешта важнае, сказаў ён. Затым ён спытаў, няўжо гэтыя еўрапейскія каштоўнасці свабоды - дэмакратыя, міжнароднае права і правы чалавека - не трэба так жа або нават больш абараняць і ва Украіне?»