«Газпром» не будзе пашыраць «Паўночны паток»

• 28.01.2015, 19:14

"Газпром" адмовіўся ад планаў пашырэння балтыйскага газаправода "Паўночны паток" і падаўжэння яго да Вялікабрытаніі.

"Пакуль планаў у пашырэнні Nord Stream няма. Газаправод мае тэхнічную магчымасць перапампоўваць да 60 мільярдаў кубаметраў у год. Гэтага дастаткова на гэты момант", - сказаў Reuters прадстаўнік "Газпрома" Сяргей Купрыянаў.

Раней аб адсутнасці планаў пашырэння "Паўночнага патоку" Reuters распавялі крыніцы ў "Газпроме".

"Зараз складаная палітычная сітуацыя, у OPAL нас так і не пусцілі. Навошта будаваць яшчэ дзве галіны? Мы не будуем", - сказаў адзін крыніца.

"Планаў пашырэння Nord Stream і падаўжэння яго да Вялікабрытаніі цяпер няма. Не разглядаем", - пацвердзіла іншая крыніца.

У 2013 годзе "Газпром" заяўляў пра планы пашырэння "Паўночнага патоку" дзвюма галінамі і прадаўжэнне яго да Вялікабрытаніі.

Цяпер газ перапампоўваецца ў Еўропу па двух галінах сукупнай планавай магутнасцю 55 мільярдаў кубаметраў, аднак балтыйскі газаправод выкарыстоўваецца прыкладна напалову праз абмежаванні доступу "Газпрому" да еўрапейскай газавай магістралі OPAL паводле ўмоў трэцяга энэргапакета ЕЗ.

Масква ў пачатку снежня адмовілася ад будаўніцтва трансчарнаморскага газаправода "Паўднёвы паток" у абыход Украіны, абвінаваціўшы Еўразвяз у "неканструктыўнай" пазіцыі, і зараз мае намер пусціць маршрут праз Турцыю, ужо паабяцаўшы ёй ільготныя цэны на расейскі газ.