Першыя таргі года: даляр узляцеў на 840 рублёў, еўра - на 850

• 5.01.2015, 12:43

Адначасова Нацбанк скараціў валютную камісію да 10%.

На Беларускай валютна-фондавай біржы прайшлі першыя таргі 2015 года. На святы краіна сышла з курсам 11900 за даляр (без уліку камісіі), а сёння амерыканская валюта вырасла на Br840 да Br12 740.

Курс еўра вырас на Br850 да Br15230.

Таргі што да расейскага рубля не праводзіліся ў сувязі з выходнымі ў РФ.

Розніца паміж афіцыйным курсам даляра і купляй яго ў абменных пунктах працягвае імкліва зніжацца, піша «Наша Нiва».

Адначасова стаўка падатку на біржавыя аперацыі ў куплі валюты ў Беларусі з 5 студзеня была зніжаная да 10%, паведамляе сайт урада.

Адпаведнае рашэнне змяшчаецца ў пастанове Савета Міністраў №3 ад 4 студзеня 2015 «Аб унясенні змянення ў пастанову Савета Міністраў Рэспублікі Беларусь ад 27 снежня 2014 №1251».

Цяпер купіць даляр у абменніках можна будзе прыкладна за Br14 000 з улікам 10-адсоткавага збору, еўра - за Br16 800.

Нагадаем, З 20 снежня стаўка падатку складала 30%, потым была зніжаная да 20%.