Нафта маркі Brent каштуе ніжэй за $53, WTI - ніжэй за $50

• 6.01.2015, 11:28

Каціроўкі нафты зніжаюцца пасля абвальнага падзення, зафіксаванага ў панядзелак, 5 студзеня.

Раніцай 6 студзеня нафта маркі Brent каштуе ніжэй за $53 за барэль. Барэль амерыканскай эталоннай нафты маркі WTI упершыню з красавіка 2009 года каштуе менш за $50, паведамляе «Радыё Свабода».

Аналітыкі называюць прычынай гэтай з'явы значныя залішнія запасы «чорнага золата» на фоне паслаблення попыту на гэты прадукт. Дадатковы негатыўны ўплыў на кошт нафты зрабіла лістападаўская пастанова Арганізацыі краін-экспарцёраў нафты не скарачаць аб'ёмы здабычы сыравіны.