Палітвязень Юры Рубцоў пачаў атрымліваць газеты

• 27.02.2015, 11:58

Са слоў Юрыя Рубцова, каб гэтага дамагчыся, спатрэбілася тэлефанаваць на пошту і пагражаць судовым разглядам.

Высветлілася, што газеты не даходзілі, заставаліся ў дзяжурнай частцы, адкуль яму іх не аддавалі, піша ПЦ «Вясна».

- Магчыма, меркавалі, што асуджаны Юры Рубцоў і так занадта дзёрзкі і «не паддаецца перавыхаванню» з боку службоўцаў спецкамендатуры. А калі будзе чытаць незалежныя газеты, то стане яшчэ горшым, - жартуе палітвязень.

26 лютага ён нарэшце атрымаў адразу дзве газеты: «Нашу Нiву» і «Наша слова».

Юры Рубцоў адбывае пакаранне ў спецкамендатуры №7 у вёсцы Куплін Пружанскага раёна паводле абвінавачвання ў нібыта абразе суддзі падчас судовага працэсу за ўдзел у Чарнобыльскім шляху ў цішотцы з надпісам: «Лукашэнка, сыходзь!» Пераслед грамадскага актывіста Юрыя Рубцова Amnesty International звязвае з парушэннямі свабоды мірных сходаў у Беларусі.