За год Беларусь выдаткавала на абслугоўванне замежнай запазычанасці $11 мільярдаў

• 13.03.2015, 19:45

Абслугоўванне агульнай замежнай запазычанасці Беларусі ў 2014 годзе каштавала $11057,2 млн (14,6% УБП або 25,4% экспарту тавараў і паслуг).

За 2013 год на названыя мэты было выдаткавана $ 6168 млн (8,5% УБП або 14% экспарту тавараў і паслуг), піша АФН.

Як паведамляе Нацыянальны банк РБ, $2256,6 млн было выдаткавана на абслугоўванне замежнай запазычанасці ў IV квартале, $3827,6 млн - у III квартале, $2514,1 млн - у II квартале і $2458,9 млн - у I квартале.

Летась выплаты асноўнай завінавачанасці склалі $9634,7 млн, адсоткаў - $1422,5 млн.

На абслугоўванне замежнай запазычанасці выдаткавана $5080,1 млн (супраць $2481,5 млн у 2013 годзе), з іх $4563,4 млн - на сплату асноўнай завінавачанасці, $516,7 млн. - на выплату адсоткаў.

Пры гэтым у IV квартале абслугоўванне замежнай запазычанасці каштавала $562,5 млн, у III квартале - у $2751,1 млн, супраць $1096,2 млн у II квартале і $670,3 млн - у I квартале.

Паводле звестак Нацбанка, на 1 студзеня 2015 года агульная замежная запазычанасць краіны вырасла да $40061,4 млн (52,8% УБП) з $39621,1 млн (54,4% УБП) на пачатак года.

У разліку на душу насельніцтва замежная запазычанасць склала $4225,4 на 1 студзеня 2015 года супраць $4184,7 на 1 студзеня 2014 года.

Міжнародныя рэзэрвовыя актывы Рэспублікі Беларусь на 1 студзеня 2015 года кампэнсоўвалі 12,6% замежнай запазычанасці, у той час як на 1 студзеня 2014 года гэты паказчык складаў 16,8%.