Лукашэнка - Кабякову і Калавуру: Першы квартал скончыўся, а што далей?

• 31.03.2015, 15:37

Дыктатар ужо не патрабуе ад урада «прыросту ВУП».

Аляксандр Лукашэнка арыентуе ўрад і Нацбанк на захаванне намечаных у першым паўгоддзі 2015 тэндэнцый у эканоміцы. Такую задачу ён паставіў сёння, прымаючы з дакладам прэм'ер-міністра Андрэя Кабякова і старшыню праўлення Нацыянальнага банка Паўла Калавура, піша БелТА.

Дыктатар звярнуў увагу, што ў першым паўгоддзі намецілася нейкая раўнавага ў эканамічнай сітуацыі і фінансах. Ён прапанаваў абмеркаваць праблемныя пытанні, якія могуць узнікнуць у будучыні і да якіх варта быць гатовымі.

«Першы квартал скончыўся. Давайце ўсё ж такі пагаворым, як будзем жыць далей і як усё-такі выйсці на тое, каб, як я ўжо казаў пры прызначэнні новага складу ўрада, не рушыць наперад у гэтай сітуацыі, але захаваць статус-кво. Ні ў якім разе нельга ўпасці, хоць я і не патрабую, каб вы давалі ВУП, яшчэ нейкі прырост. Дай Бог, каб нам выйсці на тыя паказчыкі, якія мы з вамі намецілі», - адзначыў ён.

Прэм'ер-міністр далажыў аб выніках працы эканомікі за першы квартал 2015 года, сітуацыю ў грашова-крэдытнай і валютнай сферы. З ягоных слоў, інтэрвенцыі Нацбанку за гэты перыяд склалі $40 тысяч, што паказвае на тое, што для забеспячэння дзейнасці суб'ектаў гаспадарання на ўнутраным валютным рынку не давялося карыстацца золатавалютнымі рэзервамі.

«Мы звялі першы квартал па валютных інтэрвенцыях Нацбанку для забеспячэння курсу нацыянальнай валюты на ўнутраным валютным рынку практычна ў нуль», - сказаў ён.