Пададзеная заяўка на правядзенне 25 сакавіка ў Менску Дня Волі
- 9.03.2015, 12:02
У 97-ю гадавіну абвяшчэння БНР апазіцыя правядзе шэсце і мітынг.
25 сакавіка ў Менску пройдуць шэсце і мітынг, прымеркаваныя да 97-й гадавіны абвяшчэння Беларускай Народнай Рэспублікі. Паводле заяўкі, збор удзельнікаў акцыі запланаваны каля кінатэатра «Кастрычнік» з 17 да 18 гадзін, пасля чаго з 18 да 19.15 адбудзецца шэсце на вуліцы Сурганава ў парк Дружбы народаў, дзе адбудзецца мітынг да 20 гадзіны. Пра гэта паведамляе «Беларуская праўда» са спасылкай на аднаго з заяўнікаў Аляксея Янукевіча.
Акцыя пройдзе пад агульным лозунгам «Разам за мір і незалежнасць».