Маскоўскі суд адмовіўся вызваліць Надзею Саўчанку

• 17.04.2015, 18:49

Басманны суд Масквы адмовіў абароне Надзеі Саўчанкі ў задавальненні скаргі на адмову следства спыніць крымінальную справу.

Пра гэта паведамляе BBC.

"Суд адмовіўся выклікаць прадстаўнікоў мінюста і МЗС у якасці спецыялістаў, адмовіўся адкласці разгляд справы", - напісаў у Твітэры адвакат Саўчанкі Мікалай Полазаў.

Абарона на судзе спасылалася на дыпламатычны імунітэт дэлегата ПАРЕ і сабраныя доказы невінаватасці.

"Нягледзячы на хадайніцтва аб адкладзе працэсу паводле скаргі абароны на адмову следства спыніць справу ў адносінах да Саўчанкі, суд пачаўся", - напісаў у Твітэры адвакат Марк Фейгін, што не паспеў прыляцець з ЗША на перанесенае паседжанне.

У Расеі Саўчанка абвінавачваецца ў датычнасці да забойства журналістаў расейскага холдынгу ВГТРК на тэрыторыі Данбаса і незаконным пераходзе мяжы. Саўчанка адмаўляе ўсе абвінавачванні. Абарона называе крымінальную справу палітычнай.