Лукашэнка: Няма дзяцей у святароў? Ведаю, што «стругаюць» на баку

• 29.04.2015, 12:51

Дыктатар патрабуе ад святароў заводзіць дзяцей.

Пра гэта Аляксандр Лукашэнка заявіў сёння ў час свайго паслання да беларускага народа і «парламенту».

«Што за цемра? Чаму ў высокага духавенства няма дзяцей? Я пытаюся ў нашых рэлігійных дзеячаў, якія агітуюць за сям'ю, а колькі ў вас дзяцей, ваша свяшчэнства, высакароддзе? «Няма», - адказваюць. Як ты можаш агітаваць за сям'ю, калі сваіх не маеш? Адчуваю, дзесьці цішком «стругаюць» на баку. І я нават ведаю, што робяць», - сказаў Аляксандр Лукашэнка.

Дыктатар паабяцаў, што пасланне будзе «трохі своеасаблівым». Яно будзе прысвечанае падзеям, якія чакаюцца сёлета, у тым ліку 70-годдзю перамогі ў Вялікай айчыннай вайне, хуткаму параду ў Менску. Асобна будзе закранутая пытанне чаканых прэзідэнцкіх «выбараў» і тых тэмаў, з якімі ўлада мае намер ісці ў будучае пяцігоддзе.