Бацька палітвязня Арцёма Пракапенкі: Я шчаслівы, што тут яшчэ можна сказаць

• 22.08.2015, 20:41

Арцём Пракапенка ў тэлефоннай размове з бацькам паспеў толькі паведаміць, што прыедзе заўтра.

Пра гэта Анатоль Пракапенка, бацька палітвязня Арцёма Пракапенка распавёў «Радыё Свабода».

- Ці звязаўся з вамі сын?

- Так, звязаўся, мы з ім размаўлялі праз тэлефон.

- Калі ён будзе дома?

- Заўтра будзе дома.

- А што ён паспеў вам сказаць?

- Размова была вельмі кароткай. Ён толькі паведаміў, што прыедзе заўтра, і ў яго сеў акумулятар.

- І якія вашы першыя ўражанні ад паведамлення аб вызваленні сына?

- Я шчаслівы. Што тут яшчэ можна сказаць?

«Наша ніва» паведамляе, што Арцём Пракапенка прыедзе ў Менск на цягніку ў 23:30.

Нагадаем, удзельнік анархісцкага руху Арцём Пракапенка 18 траўня 2011 года быў асуджаны судом Бабруйска да 7 гадоў пазбаўлення волі ў калоніі ўзмоцненага рэжыму паводле артыкулаў «Злоснае хуліганства» і «Наўмыснае прычыненне шкоды ў асабліва значных памерах» на абвінавачванні ў спробе падрыву будынка КДБ у Бабруйску. Пакаранне адбываў у калоніі №17 у Шклове. У траўні 2012 года быў пераведзены ў калонію №15 Магілёва.