Ігар Аліневіч на волі

• 23.08.2015, 1:01

Палітвязень быў вызвалены ўначы 23 жніўня.

Пра гэта сайту charter97.org паведаміла маці палітвязня Валянціна Аліневіч.

Палітвязень паспеў паведаміць нам, што з ім усё ў парадку і падзякаваў усім за ягоную падтрымку. Заўтра раніцай сайт апублікуе інтэрв'ю з вязнем сумлення.

Актывіст анархісцкага руху Ігар Аліневіч асуджаны на 8 гадоў зняволення нібыта за хуліганскія дзеянні ў дачыненні да афіцыйных будынкаў. Сваёй віны палітвязень не прызнаў. Раней ён адбываў пакаранне ў калоніі ў Наваполацку, якая ўважалася самай дрэннай паводле экалагічных паказчыкаў, аднак у пачатку мінулага года была прынятая пастанова аб расфармаванні гэтай калоніі і Аліневіч трапіў у калонію "Віцьба-3".