Акцыя ў абарону палітвязняў Беларусі прайшла ў Вільні
- 4.08.2015, 16:10
Беларускіх палітвязняў падтрымалі ў літоўскай сталіцы.
Як паведамляе карэспандэнт charter97.org, акцыя салідарнасці сёння прайшла на Ратушнай плошчы Вільні. У ёй узялі ўдзел беларускія і літоўскія грамадзянскія актывісты і праваабаронцы.
«Адчуванне страху ў Беларусі ў людзей застаецца і такія акцыі ў сувязі з выбарамі там немагчымыя. Мы кожны дзень практычна чытаем, што нейкі рок-канцэрт у лесе разагналі, людзей павязалі. Кожная незапланаваная ўладамі актыўнасць знаходзіць сваю рэпрэсію», - заявіў кіраўнік Беларускага Хельсінскага камітэта Алег Гулак.
З ягоных слоў, «гэтая сумная залежнасць застаецца».
Кіраўніца Беларускага дома правоў чалавека Ганна Герасімава, на пытанне аб тым, чаму яна стаіць у цэнтры Вільні, а не Менска адказала: «Мы тут усе жывем і працуем, і гэта дзень міжнароднай салідарнасці з грамадзянскай супольнасцю Беларусі. Важна, каб пра Беларусь памяталі не толькі ўнутры краіны, але і за яе межамі, аб праблемах, якія там існуюць, бо ёсць тэндэнцыя забываць пра тое, што ў Беларусі ёсць палітычныя зняволеныя».
«Сітуацыя ў Беларусі выглядае не такой страшнай не таму, што яна палепшылася, а таму што сітуацыя вакол сур'ёзна пагоршылася», - сцвярджае Ганна Герасімава.
Паводле яе слоў, пытанне палітвязняў у Беларусі на гэты момант знаходзіцца на заднім плане, і гэта адна з небяспекаў і агульных тэндэнцый у рэгіёне.
«Сёння Беларусь раптам атрымала ролю «міратворца» і зразумела, што з-за гэтай ролі ўвага да праблем паніжаецца і робяцца папраўкі на існую сітуацыю. Плюс перадвыбарчы перыяд для Захаду. Але гэты цыкл мы ўжо праходзілі. У гэтым выпадку я не чакаю новага выніку ў адрозненне ад папярэдніх прэзідэнцкіх выбараў», - кажа яна.
Нагадаем, цяпер у Беларусі за кратамі знаходзяцца шэсць палітзняволеных: Мікалай Статкевіч, Ігар Аліневіч, Мікалай Дзядок, Юры Рубцоў, Яўген Васьковіч і Арцём Пракапенка. На палітычных вязняў стала ціснуць, а таксама пагаршаюцца ўмовы іх утрымання.