На Кангрэсе даследчыкаў Беларусі ўзнагародзілі найлепшых навукоўцаў

• 9.10.2016, 21:07

На VI Міжнародным кангрэсе даследчыкаў Беларусі ў Коўне назвалі аўтараў найлепшых навуковых прац апошняга часу.

Мэта прэміі Кангрэсу - адзначыць дасягненні ў гуманітарных і сацыяльных навуках на працягу года, заахвоціць да навуковай працы, а таксама спрыяць паляпшэнню якасці навуковай дзейнасці, перадае «Белсат».

Прэмія ўключае некалькі намінацый: гісторыя, гуманітарныя навукі, сацыяльна-палітычныя навукі. Сёлета ўпершыню была створана намінацыя для манаграфій на польскай мове, прысвечаных беларускай тэматыцы.

Асобныя ўзнагароды атрымліваюць аўтары манаграфій і аўтары артыкулаў.

Гісторыя

Манаграфіі

Груша Аляксандр. «Документальная письменность Великого Княжества Литовского (конец XIV – первая треть XVI в.)». - Менск: Беларуская навука, 2015. - 465 с.

Артыкулы

Канановіч Уладзімір. «Радавод князёў Глінскіх: памяць пра мінулае як зброя палітычнай барацьбы»// «ARCHE». 2015. № 9. С.195-218.

Гуманітарныя навукі

Манаграфіі

Авілін Цімафей. «Паміж небам і зямлёй: этнаастраномия». Вільня: Тэхналогія, 2015. 260 с.

Артыкулы

Лобач Уладзімір. «Феномен вайны ў міфапаэтычнай карціне свету беларусаў»// «Беларускі фальклор: матэрыялы і даследаванні». Навуковы зборнік. Выд.1. - Мн.: Навука, 2014. - С.58-91.

Сацыяльна-палітычныя навукі

Манаграфіі

Кучынская Вольга. «The Politics of Invisibility: Public Knowledge about Radiation Health Effects after Chernobyl». MIT Press, 2014. 264 p.

Артыкулы

Васілевіч Наталля. «Заведама нераўнапраўныя: Царква і дзяржава ў Беларусі пары кансалідаванага аўтарытарызму»// «ARCHE». №4. 2015. C.216-253.

Польскамоўныя манаграфіі на беларускую тэматыку (2011-2015 гады)

Engelking Anna. «Kołchoźnicy. Antropologiczne studium tożsamości wsi białoruskiej przełomu XX i XXI wieku». Toruń: Wydawnictwo Naukowe Uniwersytetu Mikołaja Kopernika, 2012. 858 s.

Шорт-ліст усіх прэтэндэнтаў на прэмію VI Міжнароднага кангрэса даследчыкаў Беларусі за найлепшую навуковую публікацыю можна знайсці на сайце Кангрэсу.