Снегаўборачныя машыны супраць мітынгоўцаў у Менску

• 22.02.2016, 13:36

Падчас акцыі пратэсту прадпрымальнікаў 10 снегаўборачных машын як ніколі добрасумленна сталі чысціць Кастрычніцкую плошчу.

Снегаўборачныя машыны выйшлі супраць прадпрымальнікаў, якія мітынгуюць у цэнтры Менска, паведамляе «Радыё Свабода».

Падчас мітынгу прадпрымальнікаў на Кастрычніцкай плошчы з'явілася некалькі снегаўборачных машын, якія з вялікім шумам ездзілі па ўсёй плошчы. Снегу амаль не было, машыны ездзілі марна. Людзі вымушаныя былі адступаць ды прыступак.

Усяго на плошчы знаходзілася блізу 10 машын.