Відэафакт: Тысячы людзей святкуюць адстаўку дыктатара

• 21.11.2017, 20:14

Пачуўшы ліст аб адстаўцы, сябры парламента сталі апладзіраваць і танцаваць.

Спікер парламента Зімбабвэ абвясціў, што дыктатар Роберт Мугабэ, які кіраваў краінай на працягу апошніх 37 гадоў, сышоў у адстаўку.

Спікер Джэйкоб Мудэнда зачытаў зімбабвійскім дэпутатам ліст Мугабэ, дзе той напісаў пра «неадкладную адстаўку».

Сябры парламента сталі апладзіраваць і танцаваць, пачуўшы такі зварот.

Людзі на вуліцах зімбабвійскай сталіцы Харарэ таксама пачалі святкаваць.