The Associated Press: Манафорт плаціў еўрапейскім палітыкам за лабіяванне прарасейскага ўкраінскага ўрада

• 24.02.2018, 11:33

Палітычныя дзеячы, вядомыя як «габсбуржская група», прымаліся за незалежных аналітыкаў, хоць былі платнымі лабістамі.

Спецыяльны пракурор ФБР Робэрт Мюлер падаў новы абвінаваўчы прысуд, які сцвярджае, што Пол Манафорт у 2012 годзе таемна заплаціў былым вядучым еўрапейскім палітыкам за лабіяванне прарасейскага ўрада Украіны.

Як інфармуе censor.net.ua, пра гэта паведамляе AP.

Адзначаецца, што абвінаваўчы прысуд грунтуецца на сведчаннях экс-памочніка Манафорта Рыка Гейтса.

ФБР абвінавачвае Манафорта ў тым, што ён выкарыстаў афшорныя рахункі, каб заплаціць 2 мільёны еўраў былым еўрапейскім палітыкам за лабіяванне інтарэсаў прарасейскага ўрада Украіны.

Паведамляецца, што палітычныя дзеячы, вядомыя як "габсбуржская група", прымаліся за незалежных аналітыкаў, хоць напраўду былі платнымі лабістамі.

Паводле інфармацыі выдання, схаванае лабіяванне адбывалася ў ЗША.

У абвінаваўчых высновах гаворыцца, што групай кіруе былы еўрапейскі канцлер.

Як вядома, памочнік Пола Манафорта Год Гейтс прызнаў сябе вінаватым у абвінавачаннях аб змове на федэральным узроўні і даванні хлуслівых сведчанняў.