Спецдакладчык ААН выступіў у падтрымку беларускіх незалежных журналістаў

• 29.03.2018, 15:17

Беларускі рэжым спрабуе ўстанавіць поўны кантроль над сродкамі масавай інфармацыі.

Спецыяльны дакладчык ААН Міклаш Харашці падчас выступу 28 сакавіка ў Жэневе ў пытанні аб становішчы ў галіне правоў чалавека ў Беларусі, заявіў:

- Больш за 100 мірных маніфестантаў, палітычных актывістаў і журналістаў не змаглі дабрацца да месца правядзення мітынгу ці былі затрыманыя 25 сакавіка. Прыгнечанне права на свабоду слова прадаўжаецца ва ўсёй краіне, дзе дзяржава ажыццяўляе поўны кантроль над сродкамі масавай інфармацыі.

Міністэрства інфармацыі ў студзені 2018 года абвясціла аб блакаванні сайта Charter97.org, які вядомы як пляцоўка для выказвання крытычных поглядаў на працу ўрада. Уладамі заяўлена, што было парушанае заканадаўства аб СМІ. Але не прадстаўлена ніякіх довадаў гэтага, - гаворыцца ў заяве спецдакладчыка.