Для пракату ў Менску з фільма «Крышталь» выразалі сцэну «Чарнобыльскага шляху»

• 30.08.2018, 10:32

Цэнзарам не спадабаліся кадры мітынгу ў фільме на «Оскар»?

Учора ў Менску прайшоў папярэдні паказ стужкі «Крышталь» рэжысёркі Дар'і Жук - фільма, які плануецца адправіць ад Беларусі на «Оскар». Пасля паказу ў сацсетках сталі абмяркоўваць, што канцоўка стужкі адрозніваецца ад той, што была паказаная на кінафестывалі ў Карлавых Варах, піша tut.by.

(Увага: далей магчымыя спойлеры. Калі вы да іх не гатовыя, прачытайце інтэрв'ю Дар'і Жук пра фільм)

У фестывальнай версіі «Крышталь» заканчваецца тым, што Веля вяртаецца на аўтобусе ў Менск, а за акном праходзіць мітынг. Удзельнікі «Чарнобыльскага шляху» крычаць «Свабоду! Свабоду!».

У пракатнай версіі для паказу на тэрыторыі Беларусі гэтай сцэны няма. Фільм заканчваецца тым, што Веля садзіцца ў аўтобус у паселішчы Крыштальнае і ён рухаецца з месца.