Мікалай Статкевіч наведаў гарады на захадзе Беларусі

• 23.09.2019, 13:02

У ініцыятыўную групу лідара БНК запісалася больш за 120 чалавек.

21-22 верасня кандыдат у прэзідэнты ад Беларускага Нацыянальнага Кангрэсу Мікалай Статкевіч наведаў гарады на захадзе Беларусі - Ліду, Гародню, Слонім і Баранавічы, паведамляе сайт «Народнай Грамады».

21 верасня Мікалай Статкевіч наведаў Ліду. Сустрэча прайшла ў рамках пікету для збору подпісаў.

На сустрэчу, якая адбылася на пачатку пікету для збору подпісаў, сабраліся пяцьдзесят чалавек. Выступілі Мікалай Статкевіч і кіраўнік гарадзенскай кааліцыі БНК Мікалай Салянік. Цягам 1,5 гадзіны яны размаўлялі з людзьмі, адказвалі на іх пытанні.

На пікеце можна было запісацца ў ініцыятыўную групу Мікалая Статкевіча на прэзідэнцкія выбары. За паўтары гадзіны гэтым скарысталіся 30 чалавек.

21 верасня Мікалай Статкевіч наведаў таксама і Гародню. Сустрэча прайшла ў рамках пікетаў для збору подпісаў.

Выступілі Мікалай Статкевіч, кіраўнік гарадзенскай кааліцыі БНК Мікалай Салянік, актывіст «Народнай Грамады» Уладзімір Арцыман.

На пікеце можна было запісацца ў ініцыятыўную групу Мікалая Статкевіча. За паўтары гадзіны гэтым скарысталіся таксама, як і ў Лідзе, блізу 30 чалавек.

22 верасня Мікалай Статкевіч наведаў Слонім.

На сустрэчу сабраліся сто пяцьдзесят чалавек.

У ініцыятыўную групу Мікалая Статкевіча запісаліся блізу 30 чалавек.

22 верасня Мікалай Статкевіч наведаў таксама і Баранавічы. Сустрэча прайшла ў рамках пікету для збору подпісаў і сабрала блізу сямідзесяці чалавек.

На сустрэчы можна было запісацца ў ініцыятыўную групу Мікалая Статкевіча. Гэтым скарысталіся 32 чалавекі. Тры чалавекі ўступілі ў «Народную Грамаду».