Brutto Nostra далучыўся да ўсебеларускага страйку

• 26.10.2020, 14:18

Музыкі не будуць выступаць у Беларусі, пакуль ва ўладзе рэжым Лукашэнкі.

«Усе нашы калектывы - Brutto, «Ляпіс-98», Drezden і The Superbullz не будуць выступаць у Беларусі да поўнай змены злачыннага рэжыму!». Пра гэта гаворыцца на старонцы «Ляпіс-98» у «Фэйсбуку».

Музыкі адзначылі, што «не прызнаюць легітымнасць А.Лукашэнкі» і заклікалі ўсю сусветную супольнасць «адмовіцца ад усякіх кантактаў са злачыннай хунтай».

«Мы цвёрда асуджаем дзеянні карнікаў і патрабуем пакарання за кожны эпізод генацыду супраць уласнага народа. Мы намагаем вызвалення ўсіх палітычных вязняў і правядзення новых свабодных выбараў у Беларусі! Наша возьме! Ганi быкоў - вярнецца воля! Не быць скотам! Верым, можам, пераможам! Жыве Беларусь!» - падсумавалі музыкі.