Карнікі кінулі АМАП супраць дзяцей

• 29.10.2020, 15:33

Вучні 4-й гімназіі ў Менску скандуюць «Ганьба!» на адрас лукашэнкаўцаў.

У 4-ю гімназію ў Менску прыехаў АМАП. Да гэтага старшакласнікі на перапынках ладзілі акцыі пратэсту, спявалі песні.

Журналісты rebenok.by звязаліся з мамай школьніцы, якая вучыцца ў гэтай гімназіі. Вольга расказвае, што ўжо некалькі дзён запар хлопцы ладзяць на перапынках невялікія флэшмобы ў сценах школы.

- Яны спяваюць усім вядомыя песні, вядома ж, настаўнікам гэта не спадабалася. Сёння раней часу з адпачынку выйшаў дырэктар і стаў выклікаць па адным старшакласнікаў да сябе ў кабінет. Дзеці стаялі ў калідоры і крычалі «Выпускай». Дырэктар дазволіў дзецям спяваць песні, але не ў калідоры, а ў актавай зале. Школьнікі магчымасцю скарысталіся. На адной з перамен яны выйшлі на вуліцу і зладзілі акцыю пратэсту на ганку, распавядаюць відавочцы. Да хлопцаў падышоў мужчына з плакатам і пахваліў хлопцаў, сказаў, што яны малайцы. Дзеці разышліся па ўроках. І ўжо потым у школу прыехаў АМАП.

Карнікі забралі мужчыну, які выступіў у падтрымку школьнікаў. Дзеці ў гэты час крычалі «Ганьба». Кажуць, што гэта бацька траіх дзяцей, якія вучацца ў гэтай школе. З супрацоўнікамі АМАПу ён размаўляў гранічна ветліва.

Да гімназіі пад'ехала яшчэ адна машына з АМАПам, цяпер яны стаяць недалёка ад школы. Ёсць інфармацыя, што міліцыя вывела са школы намесніка дырэктара і яшчэ адну жанчыну.

Атрымаць афіцыйны каментар у дырэктара школы пакуль не ўдалося.

Бацькі кажуць, што заўтра яны збіраюцца а 8.30 каля сцен школы, каб атрымаць тлумачэнні ад адміністрацыі, якім чынам АМАП апынуўся ў гімназіі.

- Гэта ж дзеці, яны ж маленькія, напалохаліся страшна! Гэта нейкі кашмар, - абураюцца бацькі.