Заўтра падчас Маршу «Не забудзем, не даруем!» будзе добрае надвор'е

• 31.10.2020, 20:23

Прагноз сіноптыкаў на 1 лістапада.

1 лістапада варункі надвор'я пераважна будзе вызначаць вобласць павышанага атмасфернага ціску, толькі па паўднёвым усходзе краіны захаваецца ўплыў няўстойлівай вільготнай паветранай масы. Чакаецца воблачна з праясненнямі, піша сайт pogoda.by.

Пераважна без ападкаў, толькі па паўднёвым усходзе краіны кароткачасовыя дажджы. У асобных раёнах туман. Вецер паўночна-ўсходні сярэдні. Тэмпература паветра мінімальная ўночы +1... +8°С, максімальная ўдзень +6.. +12°С.

Нагадаем, што ў Менску 1 лістапада а 14:00 пачнецца Марш «Не забудзем, не даруем!». Збор на станцыі метро Парк Чалюскінцаў (каля гадзіннікавага завода).