Сванідзэ: Песенька Лукашэнкі праспяваная, Маскве ён не патрэбны

• 1.11.2020, 9:16

У Крамлі ўжо прынялі наконт яго пастанову.

Расейскі гісторык і журналіст Мікалай Сванідзэ мяркуе, што Уладзіміру Пуціну нявыгадна доўга падтрымліваць Аляксандра Лукашэнку.

На думку Сванідзэ, у Крамлі ўжо прынялі пастанову наконт Лукашэнкі.

- Ён не патрэбны Маскве. Ён у першасным сэнсе не патрэбны, - сказаў гісторык у эфіры Эхо Москвы. - З ім няма чаго рабіць. Ён ні на што не прыдатны. Падтрымліваць яго, нелегітымнага, нялюбага кіраўніка - толькі зніжаць свой рэйтынг. Уласна, рэйтынг краіны. Чым больш Пуцін падтрымлівае Лукашэнку - тым менш папулярны ў Беларусі. Навошта яму гэта трэба?

Дамовіцца з ім аб зліцці, аб аб'яднанні ён не можа, бо Лукашэнка нелегітымны. Яго подпіс нелегітымны. Ён кажа: прабачце, гэта што, Лукашэнка падпісаў? Ведаеце, што зрабіце з гэтай паперкай, якую падпісаў Лукашэнка. І ўсё. Таму з яго карысць як з казла малака, я прашу прабачэння.

Сванідзэ мяркуе, што ў Лукашэнкі цяпер «дрэнны настрой» і «для гэтага ёсць усе падставы».

- Лукашэнкава, па-мойму, песня скончылася ў кожным выпадку, - адзначыў гісторык.