Сёння - Марш «Не забудзем, не прабачым!»

• 1.11.2020, 8:05

Менск, метро Парк Чалюскінцаў, 14.00.

Незалежныя тэлеграм-каналы звярнуліся да беларусаў напярэдадні традыцыйнага шэсця на Дзяды:

- Першага лістапада мы адзначаем «Дзяды», дзень, калі памінаюць блізкіх, якія пайшлі. Традыцыйна ў гэты дзень беларусы прыходзяць ва ўрочышчы Курапаты, каб ушанаваць памяць ахвяраў палітычных рэпрэсій.

Многія гады цяперашні рэжым спрабуе знішчыць памяць народа. Яны зносяць крыжы, будуюць корчмы на тэрыторыі мемарыяла, спрабуюць ператварыць Курапаты ў стэрыльнае месца, дзе нішто не будзе нагадваць пра той боль, які перажыў народ. Яны баяцца памяці аб рэпрэсаваных, таму што самі з'яўляюцца спадкаемцамі звяр’я, якое расстрэльвала бязвінных.

Але мы не забудзем, таму што мы - беларусы, мы горды і смелы народ, які будзе да перамогі змагацца з паскудствам, якое акупавала нашу зямлю! І мы не даруем, таму што гэта нельга дараваць!

Прыйшоў час і нам прайсці дарогай на Курапаты, нагадаць сабе, што мы павінны змагацца за тое, каб гэта ніколі больш не паўтарылася.

Менск. 1 лістапада. Марш «Не забудзем, не прабачым!» а 14:00. Збор на станцыі метро Парк Чалюскінцаў (каля гадзіннікавага завода).

МАРШРУТ: Метро Парк Чалюскінцаў - праспект Незалежнасці - Каліноўскага - Карбышава - Гамарніка - Мірашнічэнкі - урочышча Курапаты.

Іншыя гарады Беларусі. 1 лістапада. Марш «Не забудзем, не прабачым!» а 14:00. Цэнтры вашых гарадоў.