Ізраіль пачаў выпрабаванні вакцыны супраць каранавіруса на людзях

• 1.11.2020, 18:25

Вакцына была распрацаваная Ізраільскім інстытутам біялагічных даследаванняў.

Ізраіль запусціў выпрабаванні на людзях вакцыны супраць COVID-19. Пра гэта паведамляе The Jerusalem Post.

Першымі ізраільцянамі, якім ўвялі вакцыну ад каранавіруса, сталі 34-гадовы Анар Аталенгі, жыхар Тлаліма на поўдні Ізраіля, і 26-гадовы Сегеў Харэль з Кфар-Ёна.

Вакцына была распрацавана Ізраільскім інстытутам біялагічных даследаванняў і носіць назву Brilife. Сёння пачалася першая фаза выпрабаванні на людзях, яна будзе праводзіцца на 80 здаровых добраахвотніках ва ўзросце ад 18 да 55 гадоў. За кожным добраахвотнікам цягам трох тыдняў будуць назіраць, каб вызначыць, ці ёсць якія-небудзь пабочныя эфекты, выкліканыя вакцынай. Даследнікі таксама вывучаць, ці выпрацоўваюцца ў добраахвотнікаў антыцелы да каранавіруса.

Віцэ-прэзідэнт у клінічных распрацоўках і даследаваннях у медыцынскім цэнтры Sheba доктар Дрор Харатс сказаў, што ўпэўнены ў бяспецы вакцыны і што навукоўцы зрабілі ўсё неабходнае, каб гарантаваць, што гэтым добраахвотнікам не будзе прычыненая шкода.

Спецыяльных лекаў ад каранавіруснай інфекцыі COVID-19 пакуль не існуе, цяпер пры гэтым захворванні праводзіцца толькі сімптаматычнае лячэнне. САЗ мяркуе, што каранавірус будзе прадстаўляць сур'ёзную пагрозу, пакуль не вынайдуць вакцыну. На думку кіраўніка Еўрапейскага агенцтва лекавых сродкаў Марка Кавалеры, у найлепшым выпадку вакцына будзе гатовая налета.