У парламент Грузіі пройдуць сем партый і два блокі

• 1.11.2020, 19:41

ЦВК Грузіі апрацаваў 99,9% бюлетэняў.

На парламенцкіх выбарах у Грузіі лідаруе кіроўная партыя «Грузінская мара - Дэмакратычная Грузія», якая набрала 48,16% галасоў.

Пра гэта сведчаць звесткі ЦВК краіны пасля апрацоўкі 99,9% бюлетэняў.

На другім месцы - апазіцыйны блок «Сіла ў адзінстве», у які ўваходзіць партыя «Адзіны нацыянальны рух» экс-прэзідэнта Міхаіла Саакашвілі. Ён атрымаў 27,12% галасоў.

Паводле звестак ЦВК, у парламент праходзяць сем партый і два блокі.