На беларускай мяжы закрыты кожны трэці пункт пропуску

• 10.11.2020, 19:06

Дзе цяпер можна выехаць і ўехаць.

Дзяржаўны памежны камітэт паведамляе: праз каранавірус зачыненыя 9 пунктаў пропуску на мяжы. Усяго ў Беларусі 26 міжнародных і міждзяржаўных пунктаў пропуску: 2 - на мяжы з Латвіяй, 6 - з Літвой, 6 - з Польшчай і 12 - з Украінай. Атрымліваецца, што цяпер не працуе кожны трэці, піша the-village.me.

Прычым не працуюць сумежныя пункты пропуску - гэта значыць тыя, што размешчаны па той бок беларускай мяжы.

Так, цяпер не працуюць гэтыя пункты.

На мяжы з Украінай: Тамашоўка (Сумежны ўкраінскі пункт - Пулемец), Олтуш (Пішча), Невель (Прыкладнікі), Верхні Церабяжоў (Гарадзішча), Глушкевічы (Майдан Капішчанскі).

На мяжы з Польшчай: Пясчатка (Полаўцы), Дамачава (Славатычы).

На мяжы з Літвой: Відзы (Цвярачус), Лоша (Шумскас).

На мяжы з Латвіяй абодва памежныя пераходы працуюць.

Раней Дзяржаўны памежны камітэт рэкамендаваў грамадзянам і замежнікам, што пастаянна жывуць у краіне, адмовіцца ад паездак за мяжу. Асабліва ў сумежныя краіны, праз закрыццё імі сваіх межаў на аналогію з дзеяннямі Літвы, якая спыняе пропуск замежнікаў на ўезд і ўводзіць усеагульны каранцін як мінімум да 29 лістапада.